第二十二章 大结局(中)
12月25日......婚礼前嘅一日......
今天按习俗,我同戚戚系唔可以见面同通电话嘅......而夜晚新郎嘅兄弟们系要集中到新郎家中"行床"之后就可以出去蒲,
话甘样系婚前最后一日蒲埋......甘婚后就可以一心一意对住个老婆......
我嘅兄弟团阵容强大,可谓集城中沟女各大门派之掌门人......
名单如下:davip...benny...alex...diky...东...andy...等等......
我发现佢地根本就唔系谂住过来邓我高兴...而系有两大目的:
1.有免费酒饮...(因为都系新郎全包)
2.第日接新娘可以沟d姐妹......
为咗抓紧时间......我地9点就搞掂晒所有该行嘅程序......
然后一班高手10点正出现系长提果间好熟悉嘅夜档......(tina果间......)
卡3,我知道系davip有意订嘅......
从知道区地订咗呢间夜档开始...我的心一直都无平复过...我好不安甘座咗系卡3,
我真系唔想见到佢......好复杂嘅心情......
不幸嘅事情始终都发生咗......一坐低...我就见到tina同埋大概4个女仔行紧过来...
我...我...tina依然无变...同我认识佢嘅果晚行过来嘅动作惊人嘅一致......
我唔敢望佢...tina见到我...
"car,我今晚一定要同你一齐......"显然tina唔知道我听日就要结婚......
佢讲完,居然就甘行开咗......
"tina...我..."我尴尬地望下周围嘅人......佢地都听唔到,因为佢地都开始同其余几个女仔开p......
我俾tina搞到有d莫明奇妙,但系佢头先掉低嘅一句话...同d黑社会大佬威胁人话:"靓仔...自己小心d..."
嘅功用系一样嘅......都会令到对方好不安......
tina走咗好耐都无翻来......我慢慢就唔记得佢讲过得说话,我开始放低警惕,开始加入佢地嘅战团,
可能系好耐无蒲嘅原因,我玩得好开心,好颠......讲真,我当时真系谂,蒲埋今晚以后都唔可以蒲...所以我p得好凶......
凌晨1点26分,我好hi......
tina突然出现,佢饮咗酒...
"car,你唔好饮甘多......"佢坐系我身边用少有嘅温柔语气同我讲......
"car,我同你讲,可能你以为我系一个好随便嘅女仔,可能你以为我系一个为左钱嘅女仔......
我承认我系一个贪玩嘅女仔......但系我悟系随便嘅人......上次你见到我嘴嘅男人,系我以前嘅男朋友,果晚我醉左,
好悟开心,我好想你来...但系我悟想你系呢到见到我......我悟想系呢度见到你...你明悟明?......
包括第一晚认识你,我就系甘嘅性格,我悟想翻屋企,我老豆同老母离左婚......但系我跟住我老豆......
我悟中意老豆,佢对我阿妈悟住......无错我好多时候都无翻到屋企,但系我无同任何人发生关系......
就算我同davip去开房,你问下佢,我同佢有无野?可能你咩都悟会信我...就好似开始的时候我咩都悟会信你甘...
之前我一直认为你同其他男人一样......但系到我相信你......到我想认真嘅时候,点解你就悟俾机会我?点解?
我悟做邓场可以做d咩?你话比我听,我可以做咩?"
tina讲嘅说话我一句不漏甘听晒......我悟知道自己究竟信悟信佢讲,
但系直觉话俾我听,以佢呢种性格嘅女仔来讲,佢悟会用甘嘅形式讲甘嘅大话......
tina讲完,倒左杯酒,系甘队落去...然后拿起自己手机系度发短信......
讲真我好憎女仔当住我面发短信,因为系我逻辑下面,发短信只会同一d喜欢嘅异性发...
我无讲野,我继续自己队自己......
过咗一阵,我手机噶短信声急不及待感响左,竟然有九条...
全部都系tina发来嘅......
我鼓住勇气,忍住心中剧痛,打开左第一条短信:"car......悟好走拉...我今晚系度等你翻来......
点解你每次都要甘...每次你系夜场睇到我所做噶野,都只系会质问我,每次都只会用自己的嘅想法曲解我,
而悟系接受我,理解我...从来都悟会......你嘅所谓噶敏感系几甘愚蠢......你究竟知悟知啊?"
我知道呢条系我果晚当住tina面同戚戚走左果晚,我无体嘅短信...
我手有d震甘继续打开第二条:"我做左咩你都悟知,你难受你发泄就拿我地感情来出气......
今晚开始,你终于自由...悟使再为我担心痛苦了...咩都悟使了......"
第三条:"car,你点解悟复我短信?难道你就真系忍心掉低我一个......你系米想选择对所有野都沉默,
选择最终决绝不回头......既然如此,我不再选择,我唯一可以选择嘅就系了断我地之间嘅纠缠."
我想象紧当时tina果个好嬲又好无助个样......想象紧佢睇住我同戚戚走果阵留低噶绝望嘅泪水......开始激动...
第四条:"car......我以为自己可以对你就如你对我一样嘅决情,每晚我都饮到心神恍惚,
以为系酒精里可以残忍地将这段感情剔除......但每次都会好似放电影甘出现翻你对我傻笑个样,
出现翻你拿住d外卖边吃边流泪个样,出现翻你同第个女人拖住手不回头果个样......
持续两个几星期里面,我每一晚都好似俾人插一刀甘,而你始终都无好似王子甘出现救我......"
我个心好似突然间比人撒左一把盐甘......越来越痛......越来越痛......
第五条:"car,今日我经过你东湖御苑嘅屋屋,我不停地往回望,好似以为拼命地回头就可以见到你出现甘......
其实这一个月以来,每晚我落班嘅时候都会系长堤走长长的一段路,不安分地系每个夜场门口搜索,
企图可以揾到你部车......但我又好惊,我见到噶系你满面红绯地同其他女人亲热......
但我又好清楚,无论你同其他咩女人一起,你都只系中意我一个,系米?系米?"我知道tina打呢条短信系几甘竭斯底里......
就好似我果晚见到佢揽住个男人嘴甘......我知道佢就来崩溃......佢噶崩溃甚至来得比我仲要猛烈......
第六条:"我悟会再需要你回复噶短信,但我依然会一直发短信俾你......你可以选择删除,可以选择忘记,
就算你依家做紧无赖做噶野,我始终悟会相信你系一个无赖......但系你心目中,我就系一个十足嘅蒲女,
你竟然宁愿伤害自己都悟肯相信我对这段感情嘅认真......我比你更失望......"
第七条:"今日系无你消息嘅第三个月,你终于觉悟,我系你一个错误的嘅选择.我自私,自我,固执,野蛮,任性,
不可理喻,情绪多变,我有所有正常男人不能忍受嘅陋习.我不该拥有你付出嘅爱......
我知道你终于平衡,感谢你为我储备嘅证明爱嘅一切."
第八条:"我爱你."
第九条竟然系一条空信息.
我望住tina,佢早已经泪流满面,果粒熟悉嘅鼻环依然闪住d熟悉嘅光......
一口气体咗九条tina系呢段时间悟同心情发俾我嘅短信之后,我心情难受到极点......
我示意tina悟好再发......我开始后悔那晚我走咗之后点解悟体佢嘅短信......但系...
我不停甘饮酒......眼泪流下......我知道今次悟系鳄鱼泪......
"car...应承我...悟好离开我......car...梦蚝?......"
"tina...点解你系到e+先比我知...点解......"我好激动...好大声...其他人停晒,成个卡望住我地......
"甘,咩意思啊?car......e+好迟咩?你讲果晚个女仔?你同佢拍拖?呵呵...无所谓...我知道我会赢佢......
系眯?car?你话系......好悟好?"tina近乎崩溃......
"我...总之我以后都悟会见你...我悟中意你...欢场嘅野...都系甘嘅拉..."我变得冷静...我悟甘讲我结婚...
tina听完呢句说话......企左起身......
"car...你讲多次...tina瞪住我...
"系...悟中意!我本来就系无赖...呵..."我忍疼讲,眼泪越流越多......
tina无再讲野...突然佢行左去隔离卡......揽住一个男人......佢......佢.........
望住我系度笑......错...系系度喊......然后好大声对住我地张卡叫:"无赖...5~~~无赖???"
系佢揽住个男人嘅瞬间......我根本无俾时间考虑......系一种好本能嘅反应...我嘅心被电击中......
好痛......我跳左起身...冲过去...粗暴甘抱起tina......
根本无理会过其他人......我用尽力气,拦腰抱住佢......一直经过所有嘅卡......经过大厅......
我眼中根本体悟到其他人......我要带佢离开呢个地方......终于,我觉得原来好拥挤嘅大厅......出现做好大条路......
好似系条黑暗噶隧道里面行左好耐终于见到光明甘......好多人望住我地......一直行到出呢间场嘅门口......
就系那天我当住tina面俾戚戚拉走嘅门口......我控制悟到自己......
我放低左tina......好大力甘喘气......由于激动......我感到高度缺水......刹时间俾人抽干晒甘......想死......
tina作困兽状甘望住我......过咗半分钟......我喘过气来......我望住tina...
讲真,我知道我系好中意佢......呢种中意系戚戚无办法比拟嘅......我好想好似大多数电影甘,当住tina面......
打电话俾戚戚,讲:"对悟住,我e+悟结婚拉......88"讲完然后我拉住tina去到一个四面无人嘅美丽海岛......
但系所有嘅道德观念......所有嘅现实话俾我听......无可能...我悟系呢种人!
我突然好大力甘揽住tina......好大力......好大力......tina同样用翻好大力好深情嘅揽姿回应我......
我地相处嘅种种场景重现眼前......相识嘅鼻环...dum......纠缠的二沙岛...中山七......胜记嘅外买......
厨房制造嘅互逗......东湖屋企嘅做爱......扰人情绪嘅短信......一切一切......历历在目......血肉横飞......
我同tina都哭得死去活来......嘶心裂肺......我真系好悟舍得......但系tina到现在都悟知道一切都系过眼云烟......
我知道果刻钟......tina认为我地可以重新开始......
"car......我应承你......我会做个好好好好嘅女朋友......"
tina甘讲......我喊得越厉害......
我突然推开左tina......
"tina,你听住......我听日就要结婚......我地已经无拉......知悟知道啊?"
"啪!......"我脸上留低tina曾经用来帮我摸去眼泪...摸去血迹嘅手嘅手红印......
我呆立当场......
"无赖!!!!你结啦!!你结够佢啦!!就算你结埋婚,生埋仔,我都悟会放手咖......你等住我,car......"
tina含住泪水,眼神复合地望住我,好似充满左愤恨同不甘感......慢慢地退后......慢慢地退后......
我成个人摊软落来......我真系悟知听日会点......
TO BE CONTINUED......
|